Garrantzitsua da gazteek pertsona guztion eskubideen aldeko borrokarekin enpatia izatea; dibertsitate funtzionalik gabeko pertsonena eta dibertsitate funtzionala dugunona.
Horretara dator «Zuri gustatzen zaizuna gustatzen zait niri ere» kanpaina, aukera-berdintasunaren aldekoa, 16 eta 30 urte bitarteko gazteak kanpainaren protagonista bihur daitezen sortua. Salaketa- eta sentsibilizazio-kanpaina informatibo bat da, eta gazteen artean banatuko da.
Gure helburuak:
- Mugikortasun urria duten pertsonen oinarrizko eskubideak eta aukera-berdintasuna aldarrikatu beharraz kontzientziatzea gazteak.
- Mugikortasun urria duten pertsonen oinarrizko eskubideak eta aukera-berdintasuna aldarrikatu beharraren salaketen protagonista bihurtzea gazteak.
- Desgaitasunen bat duten pertsonen irudia normalizatzea gazteenen artean.