Gasteiz, 2020ko urriaren 8a

Aurtengo Bazkideen Ohiko Batzar Orokorrerako deialdi arrunta.

 OHIKO BATZARRA

Eguna: urriak 27, asteartea

Ordua: 18:00etan, lehen deialdia; 18:15ean, bigarren deialdia

Tokia: eginaren eginez elkartearen egoitzan, Gasteizko Simon Bolivar plazako 9. zenbakian, behean.

GAI-ZERRENDA

• Aurreko batzarreko akta irakurtzea eta onartzea.
• 2019ko Urteko Kontuak eta Jardueren Memoria onartzea.
• 2020rako aurrekontu ekonomikoa eta elkartearen proiektua aurkeztea eta onartzea.
• Zuzendaritza Batzordeko karguak berritzea.
• Galde-eskeak.

Egungo osasun-egoera dela-eta, edukiera mugatu beharren gaude, segurtasun-neurriak bete ahal izateko. Hori horrela, bazkideei eskatzen diegu, Batzarrean parte hartu nahi izanez gero, aurrez jakinarazteko, info@eginez.org helbidera mezu bat igorriz, edo 945 22 55 16 telefono-zenbakira deituz 09:00etatik 12:00etara bitarte. Musukoa erabili beharko da derrigorrez.

Batzarrean parte hartuko duzulakoan, besterik gabe, jaso ezazu eginaren eginez elkarteko Zuzendaritza Batzordearen agurrik beroena. Zure esanetara gaude.